“የሊጉ ቀሪ ጨዋታዎቻችን ደረጃ ውስጥ ለመግባት እንጂ ለመውረድ እና ላለመውረድ የምናደርጋቸው አይደሉም” እሸቱ መና (ወላይታ ድቻ)

ወላይታ ድቻ ቀሪዎቹን 9 ጨዋታዎች የሚያደርገው በፕሪምየር ሊጉ የደረጃ ፉክክር ውስጥ ለመግባት እንጂ ከሊጉ ለመውረድ እና ላለመውረድ በሚደረገው ፉክክር እንዳልሆነ የቡድኑ ተጨዋች እሸቱ መና ለሊግ ስፖርት ጋዜጣ አስተያየቱን ሰጥቷል፡፡

የወላይታ ድቻ እግር ኳስ ክለብ በሊጉ የዘንድሮ ውድድር እስካሁን ባደረጋቸው ጨዋታዎች ….. ነጥብን ይዞ በ……ደረጃ ላይ የሚገኝ ሲሆን የእዚህን ቡድን የሊግ ተሳትፎ እና ተያያዥ በሆኑ ጉዳዮች ዙሪያ እሸቱ መናን አናግረነው የሚከተለውን ምላሽ ሰጥቶናል፡፡
ሊግ፡- ለፋሲካ በዓል እንኳን አደረሰህ?
እሸቱ፡- እናንተንም እንኳን አደረሳችሁ፡፡
ሊግ፡- እናመሰግናለን፤ የፋሲካ በዓልን ብዙ ጊዜ የምታሳልፈው በምን መልኩ ነው?
እሸቱ፡- የእግር ኳስ ተጨዋች ስትሆን ያው ስራችን ስለሚታወቅ ብዙ ጊዜ የፋሲካን ብቻ ሳይሆን ሌሎችንም አብዛኛው በዓላት የምናሳልፈውም ሆነ የምናከብረው ውድድር ላይ ሆነን ነው፡፡ ስለዚህም የፋሲካ በአልን የምናሳልፈው በእዚህ መልኩም ነው፡፡
ሊግ፡- ከፋሲካ በዓል ጋር የተገናኘ ገጠመኝ አለህ?
እሸቱ፡- እስካሁን የለኝም፡፡
ሊግ፡- የወላይታ ድቻን ወቅታዊ አቋም እንዴት ትገልፀዋለህ? ጠንካራ እና ደካማ ጎናችሁስ ምንድነው?
እሸቱ፡- የወላይታ ድቻ ክለብ የአሁን ሰአት ላይ አሰልጣኝ አሸናፊ በቀለ ወደቡድናችን ከመጣ በኋላ በጥሩ መነቃቃት እና መንፈስ ላይ ይገኛል፡፡ ይሄንን ለማስቀጠልም ሁላችንም ዝግጁ ሆነናል፡፡ የሊግ ተሳትፎው ላይ ቡድናችን ስላለው ጠንካራ እና ደካማ ጎን ማለት የምፈልገው ብዙ ጥንካሬዎች ቢኖሩንም እነዛን በየግጥሚያዎቻችን ላይ ማሳየት አልቻልንም ነበርና ከእዚህ በኋላ ግን ጠንካራ አቋምን በየግጥሚያው የምናሳይበት ጊዜያት ሩቅ አይሆንም፡፡ የክለባችን ደካማ ጎንን በሚመለከት መናገር የምፈልገው የአጨራረስ ችግር አለብን፡፡ ይሄ ችግር ዘንድሮ ብዙ ሊጎዳን ችሏል፡፡
ሊግ፡- ወላይታ ዲቻ በሊጉ ይቆያል? ወይንስ ከሊጉ ይወርዳል?
እሸቱ፡- የወላይታ ዲቻ ክለብ የአሁን ሰአት ለይ እያሰበ የሚገኘው ከልጉ ስለመውረድ ወይንም ደግም በሊጉ ላይ ስለመቆየት ሳይሆን ውድድሩን ደረጃውስጥ ገብቶ ስለማጠናቀቅ ነው፡፡ ለእዛም የምችለውን ሁሉ እየሰራንም ነውና ይህንን ምኞታችንን የምናሳካ ይሆናል፡፡
ሊግ፡- የወላይታ ደጋፊዎችን በምን መልኩ ትገልፃቸዋለህ?
እሸቱ፡- የወላይታ ዲቻ ደጋፊ ለእኛ ሁሌም ውጤት አጣንም ኖረንም በየሜዳው በመገኘት ሳይሰለቹ እና ምንም ነገርን ሳይሰስቱ ድጋፍን የሚሰጡን ናቸው በእዚህ እናመሰግናቸዋለን፡